| (編按：此等動作須接受長時間專業訓練，看官們切勿模仿)
靚佬試騎感受
 「每次騎上呢類Fun
Bike o既時候，毫無壓力果種駕駛感覺真係可以令個人relax好多，原因無他，佢o地要求o既並唔係你出神入化o既駕駛技術，而係要你學識點樣去享受人生、點樣去令平日枯燥的生活變得更有玩味、更加色彩繽紛，FTR223亦然。平易近人o既座高加上纖幼輕巧o既車身，果種咁輕鬆o既感覺就好似騎住部單車咁；啟動引擎後，振動感唔算強烈，但單缸引擎充滿節奏o既獨特排氣聲依然扣人心弦；低中段爆炸力以223cc黎講真係比到你驚喜，拉扯力十足；以三、四波在大樹林蔭o既鄉郊小路巡戈，入神地嚮往大自然優美景色 之際，在彎中稍不留神輾過一堆碎石，尾輪急速向外飄移，FTR就立刻發揮佢原始o既本色幫你逃離危機，當然，其中一隻腳掌總不能仍安然地賴在腳踏上啦！在行駛期間，頑皮的我站起來，由原來的騎乘坐姿轉換為橫坐在座鞍上駕駛，架車依然穩定非常，無話左擺右擺，FTR223可愛之處，相信就係佢如此容易駕駛o既特性。」
|
