|
 相信各位曾觀看今次新車介紹相片的車友，心水清的話應該會留意到我們起用了一個新
面孔做我們o既攝影Model。沒錯！呢位靚女係我們千辛萬苦、重金禮聘番黎o既。佢個名叫阿Suie。阿Suie有豐富既駕駛電單車經驗，對各種電單車的性能及結構亦有相當的認識，現任愛駒為時下風頭一時無兩的ET8自動綿羊、既然如此，我們大笪地當然唔會咁輕易放過呢個機會，搵阿Suie幫我地手試下綿羊仔咁啦。希望佢可以從女性既角度去講下佢在試騎過程中的感受，唔洗下下都由我地D麻甩佬講哂丫麻，而阿Suie亦好爽快咁應承o左。
講真丫，成日見黎見去都係我同胡迪兩條友，都係時候搵D女將幫下手，沖沖喜啦，係唔係呀, 戰羊? =p
希望好快可以o係呢度見到阿Suie試騎時既英姿啦！
|
世界性的復古風越吹越盛，而這股潮流其實亦早已出現在電單車身上。猶記得當年由英國Mod先帶起這熱潮，令Vespa綿羊咸魚翻生，及後更推出新車ET8復古自動羊，嬴盡不少潮流人士的心。其後，一些歷史尤久的車廠亦相繼將旗下的經典作品重新包裝，以舊有的車身顏色及圖案，甚至跟足原著的模樣，再配上現今的造車科技，推出一系列的復刻產品。這樣的設定，無非是既可滿足一群追求潮流而又期望擁有現代設備的騎士多一個選擇，亦可讓前輩們懷緬一下當年陪伴著他們共同成長的機車，引發他們的共鳴。選擇那一臺機車做「復刻」版是廠方最頭痕的事。我相信入圍者最少要具備一些條件：必須要是一臺經典、有代表性、曾在某個年代風魔無數騎士繼而掀起一股潮流，而這股潮流亦受到普羅大眾所認同、經歷過時間的洗禮，地位在各人心目中依然屹立不倒的機車。
直至今日的CB400
Vtec
II系列，其高性能的引擎，不論是在耐久性、運動性方面均獲得無數的好評，而其靈活的操控與及易駕的特性加上流麗的外型更是被受各方人士激烈讚賞，是400cc街車的表表者，亦經常高踞400cc銷量排行榜首位，在港也曾掀起過一片NK車(Naked
Bike)的熱潮，影響深遠。有見及此，本田便將曾在1981年11月推出的CB400先驅---CBX400 super
sport的車花重新套用在CB400 Vtec
II身上，代表著本田車廠對CB400---這位曾在本田造車的成就上，立下不少汗馬功勞的名將的一種致敬，也代表著本田依然對CB400系列不離不棄、貫徹始終的信念，儘管400cc車種在今天已日漸息微......。
